Բաժին : Աշխարհ/Տարածաշրջան
Պուտինը հուսով է Թրամփին հանդիպել 2020-ի մայիսի 9-ին Մոսկվայում
Ռուսաստանի նախագահ Վլադիմիր Պուտինը երեկ ասել է, որ առաջիկայում չի ծրագրում հանդիպում Միացյալ Նահանգների նախագահ Դոնալդ Թրամփի հետ:
Միաժամանակ, Պուտինը հույս է հայտնել, որ Թրամփը կմասնակցի հաջորդ տարվա մայիսի 9-ին նախատեսված Հաղթանակի օրվա միջոցառումներին, ինչը կընձեռի հանդիպում անցկացնելու հնարավորություն:
Ռուսաստանի նախագահի խոսքերով, «Միացյալ Նահանգները նշանակալից ներդրում ունի նացիզմը պարտության մատնելու գործում»:
Այդ թեմային Պուտինն անդրադարձել է Բրազիլիայի նույնանուն մայրաքաղաքում գումարված BRICS-ի՝ Բրազիլիայի, Ռուսաստանի, Հնդկաստանի, Չինաստանի և Հարավ-Աֆրիկյան Հանրապետության գագաթնաժողովում:
«Դա մենք չենք որոշելու, բայց եթե ԱՄՆ նախագահը ժամանի, իհարկե կհանդիպենք Մոսկվայում», - ասել է Վլադիմիր Պուտինը:
Դոնալդ Թրամփն անցած շաբաթ ասել է, թե քննարկում է 2020 թվականի մայիսի 9-ի Հաղթանակի զորահանդեսին ներկա լինելու հնարավորությունը: