Բաժին : Հասարակություն
Հայ Առաքելական եկեղեցին նշում է Խաչվերացի տոնը
Հայ Առաքելական եկեղեցին այս տարի սեպտեմբերի 15-ին է նշում Խաչվերացի տոնը։
Խաչվերացը Հայ Եկեղեցու հինգ տաղավար տոներից վերջինն է: Այն Խաչին նվիրված տոներից ամենակարևորն է, որովհետև նվիրված է գերությունից խաչի վերադարձի և փառաբանության հիշատակին:
Հայաստանյան եկեղեցում Խաչվերացը տոնում են սեպտեմբերի 11-17-ն ընկած ժամանակահատվածում հանդիպող կիրակի օրը: Սուրբ Խաչը տոնվում է ի հիշատակ Տիրոջ խաչափայտի` պարսկական գերությունից Երուսաղեմ վերադարձի և Գողգոթայում կանգնեցման (վերացման): Այստեղից էլ տոնը կոչվում է Խաչվերաց:
Խաչվերացի օրը եկեղեցիներում մատուցվում է Ս. Պատարագ:
