Տեղի ունեցավ Մինսկ-2019-ի մասնակիցների մեծարման երեկոն

ՀԱՕԿ նախագահ Գագիկ Ծառուկյանը մեծարման երեկո էր կազմակերպել Մինսկում ավարտված 2-րդ Եվրոպական խաղերին մասնակցած մարզիկների, մեդալակիրների և չեմպիոնների պատվին: Այս մասին տեղեկանում ենք ՀԱՕԿ-ի պաշտոնական կայքից:

Ողջույնի խոսքում ՀԱՕԿ նախագահ Գագիկ Ծառուկյանն ասաց․ «Մինսկում դուք Հայաստանի պատիվը բարձր պահեցիք, ձեր շնորհիվ հնչեց Հայաստանի հիմնը և բարձրացավ դրոշը, դուք արեցիք անհնարինը՝ փառք ու պատիվ ձեր ծնողներին, ձեր մարզիչներին՝ այդպիսով դուք հայ ազգին ավելի մեծ ճանաչում բերեցիք։ Վերջին տասնամյակներին բոլորը տեսնում են, որ հայկական սպորտը զարգացում է ապրում ՝ շնորհիվ մեր մարզիկների և մարզիչների ճիշտ աշխատանքի։ Աշխարհի բոլոր հայերը լարված սպասում են ձեր հաղթանականերին՝ կլինի Հայաստանում, թե սփյուռքում։ Օլիմպիական խաղերին մեկ տարի է մնացել:

Յուրաքանչյուրդ օլիմպիական չեմպիոն կարող եք դառնալ այդ հնարավորությունը ձեր ձեռքում է, միայն պետք է ավելի լավ մարզվել: Ձեզ համար ստեղծված են բոլոր պայմանները, որպեսզի հասնեք ձեր նպատակին։ Օլիմպիական մեդլաների քանակը պետք է շատ լինի, որ աշխարհը տեսնի՝ հայ ազգը ուժեղ է և հաղթող։ Դուք մեր ազգի հերոսներն եք։ Աստված պահապան ձեզ»- խոսքը եզրափակեց Գագիկ Ծառուկյանը։

ՀԱՕԿ նախագահի խոսքից հետո մարզիկները նրան նվիրեցին Մինսկում կայացած 2-րդ Եվրոպական խաղերի փոխանցումավազքի ջահը։ Խորհրդանշական նվերը նրան հանձնեց Եվրոպայի կրկնակի չեմպիոն, աշխարհի բրոնզե մեդալակիր, բռնցքամարտիկ Հովհաննես Բաչկովը։

Մեկնաբանություններ
Լրահոս
Loading...
End of content.
No more posts to load.