Բաժին : Հասարակություն
Գագիկ Ծառուկյանի շնորհավորանքը՝ Երեխաների իրավունքների պաշտպանության միջազգային օրվա առթիվ
ԲՀԿ առաջնորդ Գագիկ Ծառուկյանը շնորհավորել է մանուկներին Երեխաների իրավունքների պաշտպանության միջազգային օրվա կապակցությամբ:
Շնորհավորական խոսքում, մասնավորապես, ասվում է. «Այսօր Երեխաների իրավունքների պաշտպանության միջազգային օրն է: Ի սրտե շնորհավորում եմ աշխարհի բոլոր մանուկներին լուսավոր այս տոնի առթիվ:
Երեխաները մեր՝ հայերիս արժեհամակարգում գերագույն արժեք են: Մենք պարտավոր ենք մեր երեխաների համար ապահովել անհոգ մանկություն և փոխանցել նրանց բարեկեցիկ և անվտանգ հայրենիք:
Սիրելի՛ փոքրիկներ, մաղթում եմ ձեզ երջանիկ մանկություն, բոլոր նվիրական երազանքների իրականացում և պայծառ ապագա»: