Զելենսկին վերականգնել է Սաակաշվիլիի ուկրաինական քաղաքացիությունը

Ուկրաինայի նախագահ Վլադիմիր Զելենսկին վերականգնել է Վրաստանի նախկին նախագահ, 2015-16 թվականներին Օդեսայի շրջանի նահանգապետ Միխեիլ Սաակաշվիլիի ուկրաինական քաղաքացիությունը:

Սաակաշվիլին Ուկրաինայի քաղաքացիությունից զրկվել էր նախկին նախագահ Պետրո Պորոշենկոյի 2017 թվականի հուլիսին արձակած հրամանագրով:

Սաակաշվիլին 2015 թվականի դեկտեմբերին զրկվել էր Վրաստանի քաղաքացիությունից այն պատճառաբանմամբ, որ Վրաստանում արգելված է երկքաղաքացիությունը:

Հետագայում Սաակաշվիլիի և Պորոշենկոյի հարաբերություններում լուրջ լարվածույուն էր առաջացել:

Անցյալ տարվա փետրվարին ուկրաինացի սահմանապահները Սաակաշվիլիին արգելափակել էին Կիևի միջազգային օդակայանում և պարտադրել էին մեկնել Լեհաստան:

Ներկայումս Սաակաշվիլին բնակվում է Նիդերլանդներում, նրա կինը՝ Սանդրա Ռուլոֆսը, Նիդերլանդների քաղաքացի է: