Բաժին : Աշխարհ/Տարածաշրջան
Ադրբեջանը կշարունակի համագործակցությունը ՆԱՏՕ-ի հետ
Ադրբեջանի պաշտպանության նախարար Զաքիր Հասանովն այսօր հայտարարել է, որ իր երկիրը կշարունակի համագործակցել ՆԱՏՕ-ի հետ:
Հայտարարությունը հրապարակվել է Ադրբեջանի և ՆԱՏՕ-ի գործընկկերության պայմանագրի կնքման 25-ամյակի կապակցությկամբ:
«Մենք գիտակցում ենք, որ գլոբալացման դարաշրջանում ցանկացած հակամարտություն կամ առճակատում անխուսափելիորեն ազդում է ուրիիշ երկրների վրա: Հանուն Եվրատլանտյան տարածքում խաղաղության և անվտանգության՝ Ադրբեջանը կշարունակի գործընկերությունը Հյուսիսատլանտյան դաշինքի հետ»,- ասվում է պաշտպանության նախարարի տարածած հայտարարությունում:
Նախարարը նաև նշել է, որ ՆԱՏՕ-ի հետ գործընկերական և փոխշահավետ հարաբերությունների զարգացումն Ադրբեջանի բանակի հիմնական առաջնահերթություններից մեկն է:
Հասանովը հիշեցրել է, որ Ադրբեջանն առաջին օրերից մասնակցել է Կոսովոյում և Աֆղանստանում ՆԱՏՕ-ի խաղաղապահ առաքելություններին:
Անդրադառնալով տարածաշրջանային թեմաներին, Հասանովն իր պաշտոնական հայտարարությունում նշել է, որ «Հարավային Կովկասի հակամարտությունների կարգավորման հարցում ՆԱՏՕ-ի վճռական դիրքորոշումն արժանի է գովասանքի»:
Այս մասին փոխանցում է Azatutyun.am-ը:
