Բաժին : Իրավունք
Եթե Միհրան Պողոսյանին ապաստան տրամադրվի, ապա կմերժվի անձի հանձնումը. Դավթյան
«Միհրան Պողոսյանի արտահանձնման գործընթացը բնական էքստրադիցիոն պրոցեսի մեջ է»,- մայիսի 2-ին ԱԺ-ում լրագրողների հետ ճեպազրույցում հայտարարել է ՀՀ գլխավոր դատախազ Արթուր Դավթյանը։
Այնուհետև երկրի գլխավոր դատախազը պարզաբանել է, որ էքստրադիցիոն գործընթացի իրականացման ընթացքում անձը կարող է կոնկրետ երկրում դիմել ապաստան ստանալու խնդրով։
«Որևէ մեկի համար ամոթ չէ որևէ երկրից քաղապաստան խնդրել և դա անձի իրավունքն է»,-ասել է Դավթյանը։
Լրագրողների հարցին, թե իրավապահ մարմինների մեղավորությունը տեսնո՞ւմ է, որ գործընթացը դանդաղում է, նա պատասխանեց, որ իրավապահ մարմինները շարժվում են օրենքով։
