Բաժին : Սպորտ/Life
Բռնցքամարտի ֆեդերացիայի ֆինանսավորումը շարունակվելու է
Հայաստանի բռնցքամարտի ֆեդերացիայի նախագահ Արթուր Գևորգյանի հայտարարությամբ է հանդես եկել` տեղեկացնելով, որ իրենք դիմել են ՀՀ վարչական դատարան` խնդրելով անվավեր ճանաչել ՀՀ բռնցքամարտի ֆեդերացիայի ֆինանսավորումը կասեցնելու մասին սպորտ և երիտասարդության հարցերի նախարարի հրամանը:
Նշվում է նաև, որ դատարանի վարույթ ընդունելու որոշմամբ կասեցվել է այդ հրամանի գործողությունը.
«Հարգելի հայրենակիցներ, ինչպես հայտնի է ՀՀ սպորտի և երիտասարդության նախարարությունը ,ինչպես միշտ հանդես գալով կամակատարի դերում ,կասեցրել է ՀՀ բռնցքամարտի ֆեդերացիայի պետական ֆինանսավորումը՝ հիմքում դնելով ակնհայտ անհիմն հիմնավորում:
Բնականաբար այս ապօրինությունը չէր կարող անարձագանք մնալ և օրեր առաջ դիմել ենք ՀՀ վարչական դատարան ՝ խնդրելով անվավեր ճանաչել ՀՀ բռնցքամարտի ֆեդերացիայի ֆինանսավորումը կասեցնելու մասին նախարարի ակնհայտ ոչ իրավաչափ հրամանը:
Ավելորդ չեմ համարում նշել նաև, որ նշված ապօրինությունը մասամբ վերացվել է և դատարանի վարույթ ընդունելու որոշմամբ կասեցվել է այդ հրամանի գործողությունը, այսինքն բռնցքամարտի ֆեդերացիայի ֆինանսավորումը շարունակվելու է:
Մանրամասների մասին լրացուցիչ կտեղեկացնենք»-գրել է ՀԲՖ նախագահն իր ֆեյսբուքյան էջում:
Այս մասին փոխանցում է Armsport.am-ը: