Բաժին : Քաղաքականություն
Մոսկվայում տեղի կունենա ԱՊՀ անդամ պետությունների ԱԳ նախարարների խորհրդի նիստը
Այս տարվա ապրիլի 5-ին, Մոսկվայում տեղի կունենա ԱՊՀ անդամ պետությունների ԱԳ նախարարների խորհրդի նիստը։ Այս մասին հայտնում է «ՏԱՍՍ» լրատվական գործակալությունը։
ԱՊՀ տարածքի ամենահին հակամարտություններից մեկի՝ Ղարաբաղյան հակամարտության կարգավորման օրակարգով մարտի 29-ին Ավստրիայի մայրաքաղաք Վիեննայում տեղի ունեցած Հայաստանի եւ Ադրբեջանի ղեկավարների հանդիպումից հետո սա առաջին նշանակալի հանդիպումն է հետսովետական տարածքում, որին մասնակցում են նաեւ ՀՀ եւ Ադրբեջանի արտաքին քաղաքական գերատեսչությունների ղեկավարները։
Նշենք, որ Ադրբեջանի ԱԳ նախարարությունը հայտարարել է, որ Ադրբեջանի արտաքին քաղաքական գերատեսչության ղեկավար Էլմար Մամեդյարովը արդեն մեկնել է Մոսկվա։
