Քիմ Քարդաշյանն ու Քանյե Ուեսթը տևական դադարից հետո համատեղ ընտանեկան լուսանկարներ են հրապարակել

Արևմտյան շոու բիզնեսի ամենահայտնի աստղային զույգերից մեկը՝ հեռուստաաստղ Քիմ Քարդաշյանն ու ռեփեր Քանյե Ուեսթը, ինն ամսվա դադարից հետո ամբողջական կազմով ընտանեկան լուսանկարներ են հրապարակել: Ինչպես նշում է Daily Mail-ը, վերջին անգամ ամուսիններն իրենց երեք երեխաների հետ լուսանկար էին հրապարակել ապրիլին՝ Սուրբ Զատկի կապակցությամբ: Նոր լուսանկարներն արվել են զույգի  որդու՝ Սենթի ծննդյան տարեդարձի կապակցությամբ կազմակերպված խնջույքի ժամանակ: Հիշեցնենք, որ Քարդաշյանն ու Ուեսթն ունեն երեք երեխա, որից ամենափոքրը ծնվել է փոխնակ մոր միջոցով: