Բաժին : Մամուլի տեսություն
«Հրապարակ»․ Աղվան Հովսեփյանի հրաժարականից հետո ՔԿ նախագահի պաշտոնը դեռ թափուր է. մի քանի թեկնածուի անուն է շրջանառվում
«ՀՀ Քննչական կոմիտեի նախագահի պաշտոնն Աղվան Հովսեփյանի պաշտոնանկությունից հետո դեռևս թափուր է: Ամենայն հավանականությամբ, այսօր կամ առաջիկա օրերին թափուր հաստիքը կհամալրվի: Թեկնածուների պակաս չի զգացվում, սկզբում շրջանառվում էր Արմավիրի մարզային վարչության պետ Արսեն Այվազյանի անունը, սակայն գեներալ Մանվել Գրիգորյանի ձերբակալությունը «ստվեր» գցեց նրա թեկնածության վրա:
Վերջին օրերին քննարկվում է Քննչական կոմիտեի նախագահի պաշտոնակատար, զինվորական քննչական գլխավոր վարչության պետ Հայկ Գրիգորյանի թեկնածությունը, որին՝ որպես իրեն փոխարինող, նշանակել է Աղվան Հովսեփյանը: Հայկ Գրիգորյանի լոբբինգով են զբաղված նաև Պնախարար Դավիթ Տոնոյանը և Գլխավոր դատախազությունը:
Հաշվի առնելով Աղվան Գառնիկիչի հետ սերտ առնչությունը՝ Հայկ Գրիգորյանի թեկնածությունը վարչապետի սրտով չէ:
Կա նաև երրորդ տարբերակ՝ ԱԱԾ քննչական վարչության պետ Միքայել Համբարձումյանը»,-գրում է թերթը:
Նյութն ամբողջությամբ կարդացեք թերթի այսօրվա համարում:
