Բաժին : Պատահարներ
Դիլիջանի ոլորաններում ավտոմեքենա է ընկել ձորը. տուժածներ չկան
Ապրիլի 27-ին, ժամը 20:07-ին «911» ծառայությանը տեղեկություն է ստացվել, որ Դիլիջան-Երեւան ավտոճանապարհին՝ Դիլիջանի ոլորաններում տեղի է ունեցել ՃՏՊ, ավտոմեքենան գլորվել է ձորը. կան տուժածներ, անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Դիլիջան-Երեւան ավտոճանապարհի 18-րդ կմ-ին «Opel Astra G» մակնիշի ավտոմեքենան (վարորդը՝ Գ. Ա., ծնված 1989թ.) դուրս է եկել ճանապարհի երթեւեկելի հատվածից եւ մոտ 50 մետր գլորվել ձորը, տուժածներ չկան:
Փրկարարները հոսանքազրկել են ավտոմեքենան եւ այն դուրս բերել ձորից: