Արտակարգ դեպք Երևանում նախկինում մի քանի անգամ խմած վիճակում մեքենա վարած կին վարորդի Mercedes-ը հերթական անգամ տեղափոխվեց «գաի պլաշչադկա»

SHAMSHYAN.com-ի տեղեկություններով՝ նոյեմբերի 6-ին Երևանի Ճանապարհային Ոստիկանության պահպանվող հատուկ տարածք է տեղափոխվել Mercedes մակնիշի 34 QO 347 համարանիշի ավտոմեքենան։ Ինպես հայտնում է ֆոտոլրագրող Գագիկ Շամշյանը, վարորդը՝ Վանաձոր քաղաքի բնակչուհի Գայանե Ասլանյանը, ճանապարհային երթևեկության կանոնները խախտելու համար ՃՈ աշխատակցի կողմից կանգնեցվել է, իսկ հետո ՃՈ աշխատակիցը փորձել է նրան ենթարկել բժշկական փորձաքննության՝ պարզելու սթափության աստիճանը, սակայն նա հրաժարվել է փորձաքննությունից, ինչի համար էլ ավտոմեքենան տեղափոխվել է պահպանվող հատուկ տարածք։ Գ. Շամշյանի տեղեկություններով՝ պարզվել է, որ սա նրա կողմից 3-րդ դեպքն է, երբ ավտոմեքենան վարում է ոչ սթափ (խմած) վիճակում։ Փաստի առթիվ Հայաստանի քննչական կոմիտեի Երևան քաղաքի քննչական վարչությունում նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Մանրամասն` shamshyan.com