Բաժին : Հասարակություն
ՌԴ-ում ԱՆ-2 ինքնաթիռ է կործանվել. օդաչուներից մեկը ողջ է մնացել (տեսանյութ)
Ռուսաստանի Դաշնության Ամուրի մարզի Էկիմչան բնակավայրի շրջանում ուղևորատար ԱՆ-2 ինքնաթիռ է կործանվել, որում եղել է երկու օդաչու: Այդ մասին հայտնում է «ՌԻԱ Նովոստի»-ն՝ վկայակոչելով շրջանի տրանսպորտի նախարարության ներկայացուցչին:
Վթարի հետևանքով օդաչուներից մեկը զոհվել է, մյուսը՝ տեղափոխվել հիվանդանոց։
Հաղորդվում է, որ ինքնաթիռի կործանումից հետո ողջ մնացած օդաչուն հրաժարվել է հոսպիտալացումից և հեռացել է հիվանդանոցից: 1960 թվականի ծնված տղամարդն անգամ թույլ չի տվել, որ իրեն զննի վիրաբույժը:
Վթարի հնարավոր պատճառ կարող էր դառնալ շարժիչի անսարքությունը: Ինքնաթիռը մթերքներ էր տեղափոխում:
Ամուրի քաղաքացիական պաշտպանության և հրդեհային անվտանգության կենտրոնի տվյալներով՝ կործանված ԱՆ-2-ի մոտ անսարքություն է ի հայտ եկել թռիչքից անմիջապես հետո, օդաչուն որոշել է վայրէջք կատարել, բայց չի հասել մինչև թռիչքուղի։ Կենտրոնի տվյալներով՝ ինքնաթիռն ընկել է դրանից 600 մետր հեռավորության վրա:
