Իրանը կվերացնի Իրաքյան Քրդստանի հետ սահմանային անցակետերում կիրառվող սահմանափակումները

Իրանի իսլամական հանրապետությունը կվերացնի Իրաքյան Քրդստանի հետ սահմանային անցակետերում կիրառվող սահմանափակումները, որոնք մտցվել էին Քրդստանի դեմ սահմանված պատժամիջոցների իրականացման շրջանակներում, այս մասին հայտնում է demokrathaber.org կայքը: Իրանի զինված ուժերի գլխավոր շտաբը տեղեկացրել է, որ սահմանային անցակետերում կիրառվող սահմանափակումները կվերացվեն մոտ օրերս: Հիշեցնենք, որ նախօրեին Իրաքյան Քրդստանի ղեկավար Մասուդ Բարզանին հայտարարել է նոյեմբերի 1-ին՝ նախագահության ժամկետի լրանալուց հետո նույն պաշտոնում առաջադրվելու ցանկության բացակայության մասին: Սեպտեմբերի 25-ին Իրաքյան Քրդստանում տեղի ունեցած անկախության հարցով հանրաքվեին մասնակցած քաղաքացիների 93.29 տոկոսն «այո» է ասել անկախացմանը: Հանրաքվեին մասնակցել է ընտրողների 72,16 տոկոսը: Հանրաքվեին դեմ էին արտահայտվել ոչ միայն Իրաքի կենտրոնական իշխանությունները, այլև բոլոր հարևան երկրները՝ այդ թվում և Իրանը
Մեկնաբանություններ