Տարոն Մարգարյանն ու Վիգեն Սարգսյանը ծանոթացել են Ստեփանակերտի Ազատամարտիկների այգու կառուցման աշխատանքների ընթացքին

Սահմանամերձ գոտիներում ծառայող երևանաբնակ զինծառայողների ծնողների հետ Արցախ այցելած Երևանի քաղաքապետ ՏարոնՄարգարյանն ու ՀՀ պաշտպանության նախարար Վիգեն Սարգսյանը Արցախի ՊԲ հրամանատարի տեղակալ, գեներալ-մայոր Վարդան Բալայանի հետ միասին այցելել են Ստեփանակերտի Ազատամարտիկների այգի, ծանոթացել շուրջ 2 հա զբաղեցնող հանգստի գոտու կառուցման աշխատանքների ընթացքին: Ինչպես տեղեկացնում է Երևանի քաղաքապետարանի մամուլի ծառայությունը, այգին կառուցվում է Երևանի և Ստեփանակերտի քաղաքապետարանների միջև հաստատված համագործակցության ծրագրի շրջանակում: Ներկայացնելով ծրագրի մանրամասները՝ պատասխանատուները նշել են, որ ճարտարապետական և տեղանքի ինքնատիպ լուծումներով, շատրվանային համալիրներով ու ծառուղիներով նախագծված այգին հանգստի յուրօրինակ վայր կդառնա ստեփանակերտցիների ու քաղաքի հյուրերի համար: Առանձնակի կարևորելով Ազատամարտիկների այգու կառուցումը`ՀՀ պաշտպանության նախարարը նկատել է, որ հանգստի այս գոտին կդառնա հայկական երկու մայրաքաղաքների միջև ձևավորված արդյունավետ համագործակցության լավագույն խորհրդանիշներից մեկը: Երևանի քաղաքապետ Տարոն Մարգարյանն էլ ընդգծել է, որ նմանատիպ նախաձեռնությունները լինելու են շարունակական, և հետևողականորեն շարունակվելու են կյանքի կոչվել բոլոր այն ծրագրերը, որոնք նախանշվել են համագործակցության ծրագրով:
Մեկնաբանություններ
Լրահոս
Loading...
End of content.
No more posts to load.