10,4%-ով աճել են թմրամիջոցների իրացման դեպքերը, իսկ բացահայտման արդյունավետությունն աճել է 3,3%-ով. ոստիկանություն

2017թ. 9 ամիսների ընթացքում թմրամիջոցների ապօրինի շրջանառության ոլորտում հայտնաբերված դեպքերի թիվն աճել է 16,2%-ով: Այս մասին Facebook-ի իր էջում գրառում է կատարել ՀՀ ոստիկանության լրատվական ծառայության ԶԼՄ-ների հետ կապի բաժնի պետ Էդգար Ջանոյանը՝ հայտնելով, որ բացահայտման արդյունավետությունը կազմում է 2,3% (82,9%-ից 85,2%): Նա հայտնել է, որ դրան զուգընթաց 10,4%-ով աճել են թմրամիջոցների իրացման դեպքերը, իսկ բացահայտման արդյունավետությունն աճել է 3,3%-ով (69,7%-ից 73,0%): «Այս ենթատեքստում առավել կարևոր է հաշվետու ժամանակահատվածում ապօրինի շրջանառությունից հանված թմրամիջոցների քանակական ցուցիչը. հայտնաբերվել և առգրավվել է 156 կգ 451 գրամ (10 կգ 736 գրամ ավելի՝ նախորդ տարվա ցուցանիշից) տարբեր տեսակի թմրամիջոց, 135,854 գրամ (30,23 գրամ) հոգեմետ նյութ, 1650,11 մլ (351,63 մլ) պրեկուրսոր: «Կանեփ-կակաչ» համալիր օպերատիվ-կանխարգելիչ միջոցառման ընթացքում հայտնաբերվել և այրման միջոցով ոչնչացվել է 83 տոննա 837 կգ վայրաճ կանեփի կանաչ զանգված (73 տոննա 780 կգ) և 59,5 կգ կակաչի կանաչ զանգված (56,5 կգ)»,-գրել է Էդգար Ջանոյանը: