«Վարդարը» պարտվեց, Համբարձումյանն ու Բարսեղյանը մասնակցեցին խաղին

Մակեդոնիայի առաջնության 3-րդ տուրի հետաձգված խաղում «Վարդարը» հյուրընկալվեց «Ռաբոտնիչկիին» և պարտվեց 1:3 հաշվով:   Հյուրերի կազմում խաղին մասնակցեցին Հայաստանի ազգային հավաքականի ֆուտբոլիստներ Տիգրան Բարսեղյանը և Հովհաննես Համբարձումյանը:   Մեր ընտրանու պաշտպանը մասնակցեց ամբողջ խաղին` 20-րդ րոպեին ստանալով դեղին քարտ, իսկ հարձակվողը խաղադաշտ դուրս եկավ մեկնարկային կազմում և փոխարինվեց երկրորդ խաղակեսի սկզբնամասում:   Այս խաղից հետո «Վարդարը» 19 միավորով զբաղեցնում է մրցաշարային աղյուսակի 3-րդ հորիզոնականը:   13-րդ տուրում «Վարդարը» կհյուրընկալվի «Սիլեկսին»: Հանդիպումը կկայանա հոկտեմբերի 29-ին և կմեկնարկի Երևանի ժամանակով 16:30-ին: