Ամերիկացի կալանավորներին որոշել են բանտակիցներին ծեծելուց հրաժարվելու դիմաց պիցցայով խրախուսել

Նյույորքյան «Ռայքերս» բանտի կալանավորներին, որոնք կատարել էին վերակացուների բոլոր հրահանգները եւ չէին ծեծել մյուս դատապարտյալներին, որպես խրախուսանք՝ պիցցա են հյուրասիրել, փոխանցում է The New York Post-ը։ Մոտ 20 տուփ պիցցաներով լուսանկարն արվել է անցյալ շաբաթ: Ուտելիքը բերվել էր մոտակա Domino's ռեստորանից եւ նախատեսված էր բաժանել այն կալանավայրում, որտեղ ապրում են ամենախնդրահարույց 400 կալանավորները: «Ինձ դուր չի գալիս, որ կալանավորներին խրախուսում են միայն նրա համար, որ նրանք իրար չեն ծեծում կիսամեռության հասցնելու աստիճան», — նորամուծությունը մեկնաբանել է բանտի աշխատողների արհմիության ներկայացուցիչ Պատրիկ Ֆերայոլոն։ Նա նաեւ հայտնել է, որ կալանավորներին կողմնակի սննդի մատակարարումն, ըստ էության, մաքսանենգություն է եւ ռեժիմի խախտում: Ընդ որում, բանտի ղեկավարությունը նշում է, որ հատուկ ծրագրի շրջանակներում առաջընթաց ունեցող 75 բանտարկյալներից յուրաքանչյուրին տրվել է պիցցայի 2-ական կտոր, եւ որ պիցցայի համար ընդհանուր առմամբ ծախսվել է 400 դոլար