Բաժին : Հասարակություն
Բարսելոնայում «կաթսաներով բողոքի ցույց» են կազմակերպել Մադրիդի որոշումից հետո (լուսանկարներ)
Բարսելոնայի բնակիչները հանպատրաստից «կաթսաներով ցույց» են կազմակերպել Կատալոնիայի նկատմամբ միջոցների ձեռնարկման մասին Իսպանիայի վարչապետ Մարիանո Ռախոյի հայտարարությունից հետո:
Ինչպես հայտնում է Vanguardia-ն, երկրի Սահմանադրության 155-րդ հոդվածի (ինքնավարության կարգավիճակից զրկելու մասին) կիրառման մասին հայտարարությունը լսելով, բնակիչները դուրս են եկել իրենց պատշգամբներ և սկսել են փայտով հարվածել կաթսաներին, թավաներին կամ նմանօրինակ խոհանոցային պարագաներին:
Նշվում է, որ շաբաթներ շարունակ ազգային բողոքի ցույցեր են անցկացվում Կատալոնիայի տարբեր շրջաններում:
Այսօր ավելի վաղ հաղորդվում էր, որ Մադրիդը կասեցնում է Կատալոնիայի ինքնավար կառավարության լիազորությունները:
