ՀՀ բարձրագույն մասնագիտական կրթության մասնագիտությունների ցանկում կներդրվեն «Դատական փորձաքննություն» և «Մեխատրոնիկա» մասնագիտությունները

Կառավարության վաղվա նիստի օրակարգում է Հայաստանի Հանրապետության բարձրագույն մասնագիտական կրթության մասնագիտությունների և որակավորումների ցանկում իրավագիտության հետ ներդնելու «Դատական փորձաքննություն» և  «Մեխատրոնիկա» մասնագիտությունները և համապատասխան որակավորումները, ինչի համար պետք է փոփոխություններ ու լրացումներ կատարվեն կառավարության 2013թ. որոշման մեջ: Անհրաժեշտությունը պայմանավորվում է նրանով, որ ըստ ուսումնասիրությունների՝ «Դատական փորձաքննություն»  և  «Մեխատրոնիկա»  մասնագիտությունները ունեն բավական բարձր վարկանիշ, և   այս  մասնագիտությունների բացումը լուրջ նախադրյալներ կստեղծի ՀՀ-ում համապատասխան ոլորտի զարգացման համար: Նշվում է, որ ՀՀ  տնտեսության ամենահեռանկարային ոլորտներից է հանդիսանում Ճարտարագիտության ոլորտը և  «Մեխատրոնիկա» մասնագիտության զարգացման համար առկա է անհրաժեշտ ներուժ, կան ենթակառուցվածքներ, որոնք կարող են ապահովել այդ մասնագիտության կայացումը:
Մեկնաբանություններ