Բաժին : Հասարակություն
Բնապահպանության և ընդերքի տեսչական մարմնի կողմից մեկ շաբաթվա ընթացքում հայտնաբերվել է 1.414.900 դրամի շրջակա միջավայրին հասցված վնաս
Բնապահպանության և ընդերքի տեսչական մարմնի տարածքային ստորաբաժանումների կողմից 2017 թվականի հոկտեմբերի 9-13-ն ընկած ժամանակահատվածում կատարված շրջայցերի արդյունքում հայտնաբերվել է ապօրինի ծառահատման և փայտանյութի տեղափոխման 14, մթնոլորտային օդի պահպանության, թափոնների տեղաբաշխման պահանջների խախտման 6 դեպք։
Հայտնաբերվել է նաև ապօրինի որսի (խեցգետին, ձուկ, կաքավ, լոր) 5 դեպք,հողի օգտագործման և պահպանման պահանջների խախտման 2 և բուսական աշխարհի պահպանության և օգտագործման պահանջների խախտման 2 դեպք:
Արձանագրված թվով 29 իրավախախտումների դեպքերից 13-ով անցկացվել է քննություն, որոնցով նշանակվել 1.210.000 ՀՀ դրամի վարչական տուգանք։
16 գործ դեռևս գտնվում է ընթացքի մեջ:
Ընդհանուր առմամբ բնապահպանական իրավախախտման հետևանքով շրջակա միջավայրին հասցված վնասի չափը կազմել է 1.414.900 դրամ:
Ընդամենը գանձվել է 1.140.700 դրամ:
