Երևանի Խաչքարերի պուրակում բացվել է «Հին ու նոր Երևան» խորագրով ցուցահանդես

Երևանի հիմնադրման 2799-րդ տարեդարձին նվիրված միջոցառումների շարքում մետրոպոլիտենի «Հանրապետության հրապարակ» կայարանի հարևանությամբ գտնվող Խաչքարերի պուրակում առաջին անգամ կազմակերպվել էր «Հին ու նոր Երևան» խորագրով ցուցահանդես, տեղեկացնում է Երևանի քաղաքապետարանի մամուլի ծառայությունը: Երևանի բնակիչներին, հյուրերին և ընդհանրապես  բոլոր հետաքրքրվողներին, լավ առիթ էր ընձեռվել Երևան քաղաքի պատմության և «Էրեբունի» պատմահնագիտական արգելոց-թանգարանների հավաքածուներում առկա լուսանկարների միջոցով ծանոթանալու մայրաքաղաքի պատմությանն ու ներկային՝ Երևանի հին ու նոր փողոցներին, թաղամասերին, հասարակական շենքերին, հուշարձաններին, համաքաղաքային և տոնական միջոցառումներին, ինչպես նաև այն մարդկանց, ովքեր կարևոր դերակատարում են ունեցել Երևանի քաղաքական, տնտեսական ու մշակութային կյանքում:
Մեկնաբանություններ