«Կոնգրեսի ձայներն այնքան քիչ էին, որ կարևոր էլ չէ»

Քաղաքական մեկնաբան Հակոբ Բադալյանը կարծում է, որ «Ծառուկյան» դաշինքի, մյուս քաղաքական ուժերի չմասնակցելը Երևանի ավագանու ընտրություններին չի նշանակում, որ նրանց ձայներն օդում եմ մնացել: Norlur.am-ի հետ զրույցում նա նշեց, որ տրամաբանական էր «Ծառուկյան» դաշինքի, Կոնգրեսի և մյուս ուժերի որոշումը չմասնակցել ընտրություններին: Նրա համար նաև զարմանալի չէ, որ «Ելք» դաշինքն ամենաշատ ձայնը հավաքել է հենց Երևանում: Հակոբ Բադալյանն ընդգծեց, որ «Երկիր ծիրանի» կուսակցության համար սա լավ շանս է ցուցաբերելու ինքն իրեն, ինքնադրսևորվելու, անունը հայտնի դարձնելու: Իսկ սոցիոլոգ Ահարոն Ադիբեկյանն էլ ասաց, որ հիմնական խնդիրն այն է, թե ում կհասնի «Ծառուկյան» դաշինքի ձայները: Ըստ նրա, և ընդդիմությունը կարող է ստանալ այդ ձայներից, և իշխանությունը: Norlur.am-ի հարցին, թե ում բաժին կհասնի ՀԱԿ-ի ձայները, նա պատասխանեց, թե այդ ձայներն այնքան քիչ են, որ նույնիսկ դա կարևոր էլ չէ:
Մեկնաբանություններ