Լավրովն անդրադարձել է Իրանին, Ուկրաինային, Սիրիային
Ռուսական արտահանման վարկ կհատկացվի Իրանում Ռեշտ-Աստարա երկաթուղու կառուցման համար «Հյուսիս-Հարավ» ծրագրի շրջանակներում, Թեհրանում իր իրանցի գործընկեր Աբբաս Արաղչիի հետ ասուլիսին հայտարարել է ՌԴ ԱԳ նախարար Սերգեյ Լավրովը։
Ռուսաստանի արտգործնախարարի մյուս հայտարարություններից՝
▪️Իրանի միջուկային ծրագրի վերաբերյալ դիվանագիտության ռեսուրսներ կան, Ռուսաստանը և Իրանը վճռական են լուծումներ գտնելու համար;
▪️Ռուսաստանի և Իրանի միջև առևտուրը դրական դինամիկա է ցուցաբերում, միտումը պետք է շարունակվի;
▪️Սիրիայի ներքին գործընթացին արտաքին օժանդակության փորձերը՝ առանց Ռուսաստանի, Իրանի և Չինաստանի մասնակցության, չեն համապատասխանում Սիրիայի միավորման նպատակներին;
▪️Ռուսաստանը և Իրանը կսպասեն Համասիրիական Կոնգրեսի արդյունքներին և վճռական են՝ նպաստելու Սիրիայում հանգստությանը;
▪️ՄԱԿ-ում Ուկրաինայի հարցով քվեարկությունը ցույց է տալիս, որ ճգնաժամի հիմնական պատճառները լուծելու անհրաժեշտության ըմբռնումը դանդաղ, բայց հաստատապես ճանապարհ է բացում։
