ԵՄ-ն կարող է զրկել Վրաստանին ազատ վիզայի ռեժիմից
Եվրամիությունը զգուշացրել է Վրաստանի իշխանություններին, որ Բրյուսելի կողմից առաջ քաշված մի շարք պայմանները չկատարելու՝ մասնավորաբար բողոքի ակցիաների դատապարտված մասնակիցներին ազատ չարձակելու դեպքում, երկիրը կարող է զրկվել ԵՄ երկրների հետ ազատ վիզային ռեժիմից։ Այս մասին այսօր հայտարարել է ԵՄ արտաքին հարաբերությունների և անվտանգության հարցերով բարձր ներկայացուցիչ Կայա Կալլասը։ Այս մասին փոխանցում է Ազատությունը:
Նրա խոսքով՝ այսօր արդեն համապատասխան պաշտոնական նամակը կուղարկվի վրացական իշխանություններին։
«Ազատության» վրացական ծառայության տեղեկություններով՝ Վրաստանի քաղաքացիների համար ԵՄ երկրներ մուտքի ազատ ռեժիմի գործողությունը կարող է սառեցվել հոկտեմբերին։
