Միջուկային զենքը սպառնալիք է մարդկության համար․ Իրանն անընդհատ շեշտում է, որ իր միջուկային ծրագիրը խաղաղ է․ Արաղչի
Իրանը երբեք չի ձգտել զենք մշակել, այս մասին հայտարարել է Իրանի արտաքին գործերի նախարար Աբբաս Արաղչին՝ ելույթ ունենալով ՄԱԿ-ի զինաթափման համաժողովում։
«Միջուկային զենքը սպառնալիք է մարդկության համար։ Մարդկությունն ապրում է ավելի քան 12,000 միջուկային մարտագլխիկների ստվերի տակ։ Մենք ականատես ենք եղել այս զենքի օգտագործմանը ամբողջ աշխարհում։
Իրանն անընդհատ շեշտում է, որ իր միջուկային ծրագիրը խաղաղ է։ Կրոնական և գաղափարախոսական տեսանկյունից մենք միջուկային զենքի մշակումը համարում ենք արգելված։ Խաղաղ միջուկային էներգիան բոլոր երկրների իրավունքն է։
Այնպիսի երկրներ, ինչպիսիք են Միացյալ Նահանգները և Եվրոպան, աչք են փակել Իսրայելի գործողությունների վրա։ Իսրայելը երկու տարվա ընթացքում հարձակվել է յոթ երկրի վրա և խախտել բոլոր միջազգային օրենքները։
Իրանը կշարունակի տեխնիկական բանակցությունները Ատոմային էներգիայի միջազգային գործակալության հետ։ Իրանը միշտ պատրաստ է իմաստալից և արդար բանակցությունների։
Մենք լիովին պատրաստ ենք պաշտպանվել ցանկացած սպառնալիքից կամ ագրեսիվ գործողությունից։ Նման անխոհեմ գործողությունների հետևանքները չեն սահմանափակվի Իրանի սահմաններով»,-նշել է նա։
