Գագիկ Ծառուկյանն անելու է հնարավոր ամեն բան, որ գյումրեցի մանուկների ցանկությունը կյանքի կոչվի ու Ամանորը տոնական մթնոլորտում դիմավորեն. Իվետա Տոնոյան (տեսանյութ)

Նախօրեին գյումրեցի բլոգեր Արթուր Ադամյանը սոցիալական ցանցերում հրապարակել էր տեսանյութ՝ դիմելով բարերարներին, այդ թվում՝ Գագիկ Ծառուկյանին, և խնդրել տոներին ընդառաջ գյումրեցիներին մենակ չթողնել. այս մասին գրել է Գագիկ Ծառուկյանի խոսնակը՝ Իվետա Տոնոյանը։

«Քանի որ Գյումրին և գյումրեցիները միշտ առանձնահատուկ նշանակություն են ունեցել Գագիկ Ծառուկյանի համար, նրա հանձնարարությամբ այսօր ես և գործընկերներս Գյումրիում էինք: Հանդիպել ենք Արթուրի հետ, քննարկել գյումրեցի երեխաների համար նախատոնական այս օրերը էլ ավելի հիշարժան դարձնելու հնարավոր տարբերակները: Մեր քննարկման արդյունքներն արդեն իսկ ներկայացվել են Գագիկ Ծառուկյանին և առավել քան վստահ եմ, որ նա անելու է հնարավոր ամեն բան, որ գյումրեցի մանուկների ցանկությունը կյանքի կոչվի ու Ամանորն ու Սուրբ Ծնունդը տոնական մթնոլորտում դիմավորեն բոլորը:

Գյումրին երբեք միայնակ չի եղել և չի լինելու, և տոներին ընդառաջ դա զգալը հատկապես կարևոր է»,-նշել է նա։

Տեսանյութը՝ այստեղ