Ֆրանսիան կօգնի Պաղեստինին մշակել ապագա պետության սահմանադրությունը. Մակրոն

Ֆրանսիան կօգնի Պաղեստինի իշխանություններին մշակել սահմանադրություն ապագա պաղեստինյան պետության համար, հայտարարել է Ֆրանսիայի նախագահ Էմանուել Մակրոնը Փարիզում Պաղեստինի նախագահ Մահմուդ Աբբասի հետ բանակցություններից հետո՝ Reuters-ի փոխանցմամբ։

Սեպտեմբերին մի շարք խոշոր արևմտյան երկրներ, այդ թվում՝ Ֆրանսիան, պաշտոնապես ճանաչել են Պաղեստինի պետությունը՝ քայլ, որը պայմանավորված էր Իսրայելի նկատմամբ հիասթափությամբ՝ Գազայում ավերիչ պատերազմի պատճառով և Մերձավոր Արևելքի հակամարտության երկու պետությունների լուծումը խթանելու ցանկությամբ։