Թեհրանը կպատասխանի Վաշինգտոնին, եթե ԱՄՆ-ն Իսրայելի կողմից անմիջականորեն միջամտի հակամարտությանը. ՄԱԿ-ում Իրանի մշտական ներկայացուցիչ
Թեհրանը պատրաստ է պատասխանել Վաշինգտոնին, եթե ԱՄՆ-ն Իսրայելի կողմից անմիջականորեն միջամտի հակամարտությանը։ Այս մասին հայտարարել է ՄԱԿ-ում Իրանի մշտական ներկայացուցիչ Ալի Բահրեյնին։ Նա նաև խոստացել է «վճռական» և «անհապաղ» արձագանք Իսրայելի հարվածներին։ Նրա խոսքով՝ Թեհրանը հարձակումներին կպատասխանի «համաչափ»։
«Մենք որևէ դժկամություն չենք ցուցաբերի մեր ժողովրդին, անվտանգությունն ու հողը պաշտպանելու հարցում։ Մենք լուրջ և վճռականորեն կպատասխանենք՝ առանց որևէ սահմանափակման», – լրագրողներին ասել է Ալի Բահրեյնին (մեջբերում է Reuters-ը):
Նրա խոսքով՝ ԱՄՆ-ն «ծածկում է» Իսրայելին։
Հունիսի 13-ին Իսրայելը Իրանի դեմ սկսել է «Բարձրացող առյուծ» գործողությունը։ Դրա հայտարարված նպատակն է ոչնչացնել Իրանի միջուկային ծրագիրը։ Ի պատասխան՝ իրանական բանակը հարվածներ է հասցնում Իսրայելի տարածքին։
