ՌԴ-ում ակրոբատը կրկեսում հնարքի ժամանակ ընկել է անիվից և մահացել
ՌԴ Մագնիտոգորսկ քաղաքում՝ կրկեսում, 22-ամյա կին ակրոբատն ընկել է «մահվան անիվից» և մահացել է, գրում է lenta.ru-ն:
Կյանքի հետ անհամատեղելի վնասվածքներ ստացած Չելյաբինսկի բնակչուհին կրկեսի աշխատակից չի եղել, սակայն ինչ-ինչ պատճառներով հայտնվել է բեմում, երբ թատերախումբը պատրաստվում էր հյուրախաղերի Աբխազիայում։ Նա մայիսի 17-ին ընկել է երկու մեծ պտտվող հակակշիռ անիվներից բաղկացած կառուցվածքից։
Քննիչները քրեական գործ են հարուցել: Հայտնի է, որ կյանքի հետ անհամատեղելի վնասվածքներ ստացած կինը նախկինում զբաղվել է ակրոբատիկայով և ուներ սպորտի վարպետի թեկնածուի կոչում։
