fbpx
/// Գեղարքունիքի մարզի ծննդօգնություն իրականացնող հաստատություններում սեպտեմբերին գրանցվել է 270 ծնունդ

Գեղարքունիքի մարզի ծննդօգնություն իրականացնող հաստատություններում սեպտեմբերին գրանցվել է 270 ծնունդ

Գեղարքունիքի մարզի ծննդօգնություն իրականացնող բուժհաստատություններում 2018 թվականի սեպտեմբեր ամսում գրանցվել է 270 ծնունդ՝ 153 տղա եւ 119 աղջիկ:

Ինչպես «Արմենպրես»-ին տեղեկացրին Գեղարքունիքի մարզպետարանի աշխատակազմի առողջապահության եւ սոցիալական ապահովության վարչությունից, 154 ծնունդ գրանցվել է Մարտունու ծննդատանը, 55 ծնունդ՝ Գավառի ԲԿ-ում, 35 ծնունդ՝ Սեւանի ԲԿ-ում, 18 ծնունդ՝ Վարդենիսի հիվանդանոցում եւ 8 ծնունդ՝ Ճամբարակի առողջության կենտրոնում: Ծնունդներից երկուսի դեպքում լույս աշխարհ են եկել զույգ երեխաներ: Նույն աղբյուրի համաձայն՝ այս տարվա սեպտեմբերի ծնունդների թիվը նախորդ տարվա նույն ժամանակահատվածի ծնունդներին զիջում է ընդամենը 8-ով: Ընդ որում, նվազման ցուցանիշը բաժին է ընկնում հիմնականում Վարդենիսի հիվանդանոցին, որտեղ նախորդ տարվա սեպտեմբերին գրանցված 33 ծնունդների դիմաց այս սեպտեմբերին գրանցվել է 18 ծնունդ:

Փոխարենը նույն ժամանակահատված համեմատ նկատելի աճ է ապահովել Մարտունու ծննդատունը, որտեղ նախորդ սեպտեմբերի 144 ծնունդների դիմաց այս տարի գրանցվել է 154 ծնունդ:

Գրեք մեկնաբանություն և եղեք ակտիվ
By | 2018-10-02T14:20:55+00:00 Հոկտեմբերի 2 14:20|Հասարակություն|0 Comments
//
//