fbpx
/// Դավթաշեն համայնքում մեկնարկել է ԲՀԿ-ի կազմակերպած հանրահավաքը

Դավթաշեն համայնքում մեկնարկել է ԲՀԿ-ի կազմակերպած հանրահավաքը

Երևանի ավագանու ընտրություններին ընդառաջ «Բարգավաճ Հայաստան» կուսակցությունը շարունակում է նախընտրական քարոզարշավը: Ինչպես արդեն տեղեկացրել ենք, այս պահին ԲՀԿ-ականները գտնվում են Դավթաշեն վարչական շրջանում: ԲՀԿ ցուցակը գլխավորող Նաիրա Զոհրաբյանը հայտարարեց ՝ իրենց ներկայացրած առաջարկները իրատեսական են, հետևաբար հնարավոր է Երևանում առկա խնդիրները լուծել հնարավորինս սեղմ ժամկետներում: Նաիրա Զոհրաբյանը առանձնացրեց հատկապես տրանսպորտի, աղբահանության և վերելակների հետ կապված խնդիրները` ընգծելով, որ Երևանում կան այնպիսի վերելակներ, որոնց շահագործման ժամկետը վաղուց անցել է և պատահական չէ , որ այդ վերելակներն անվանում են «մահվան վերելակներ»: Ընդգծենք, որ քայլերթի ընթացքում Նաիրա Զոհրաբյանին մոտեցավ Երևանցիներից մեկը` հայտարարելով , որ Դավթաշենի «Երևան Սիթի» -ի սառնարանների աղմուկը հանգիստ չի տալիս տարածքում բնակվող մարդկանց: «Մենք նույնիսկ ամռանը պատուհանները բացել չենք կարողանում, որովհետև ահավոր աղմուկ է», – նշեց քաղաքացին: Նաիրա Զոհրաբյանը խոստացավ զրուցել «Երևան Սիթի» ղեկավարության հետ և այս խնդրին լուծում տալ: Այժմ Դավթաշեն վարչական շրջանում` <<Երևան Սիթի>> սուպերմատկետին հարակից այգում մեկնարկել է ԲՀԿ-ի հանրահավաքը, որին մասնակցում են բազմաթիվ քաղքացիներ:

Գրեք մեկնաբանություն և եղեք ակտիվ
By | 2018-09-11T19:06:49+00:00 Սեպտեմբերի 11 19:06|Քաղաքականություն|0 Comments
//
//