fbpx
/// Ես ԱԱԾ-ից ավելի խիստ եմ լինելու. կոռուպցիա չի լինելու. Նաիրա Զոհրաբյան

Ես ԱԱԾ-ից ավելի խիստ եմ լինելու. կոռուպցիա չի լինելու. Նաիրա Զոհրաբյան

«Բարգավաճ Հայաստանը» կաշառք չի բաժանում. Նաիրա Զոհրաբյան Ինչպես հայտնի է, Երևանի ավագանու ընտրություններին ընդառաջ` այսօր մեկնարկել է քարոզարշավի երկրորդ օրը: ԲՀԿ-ն իր քարոզարշավը մեկնարկեց Երևանի Դավթաշեն համայնքից: Այս պահին ԲՀԿ-ականները քայլերթ են անցկացնում փողոցներով՝ երևանցիներին կոչ անելով իրենց վստահության քվեն տալ հենց «Բարգավաճ Հայաստան» կուսակցությանը: Ի դեպ, նախատեսվում է , որ քայլերթի վերջում կանցկացվի հանրահավաք, որի ընթացքում ԲՀԿ-ականները ավելի մանրանասն կներկայացնեն իրենց ծրագրերը և կհանդիպեն երևանցիների հետ: Նաիրա Զոհրաբյանը լրագրողների հետ զրույցում վստահեցրեց ՝ «Բարգավաճ Հայաստան» կուսակցությունը կաշառք չի բաժանում, իսկ նրանք, ովքեր զրպարտել են, օրենքի առաջ պատասխանատվություն են կրելու : <<Մենք չենք եկել ձեր հոգսերը ձեզ պատմելու: Մենք առաջարկում ենք մեր ծրագրերը, որոնք իրատեսական են: Երևանից ոչ մեկը ոչ մի բան չի գողանալու: Ես ԱԱԾ-ից ավելի խիստ եմ լինելու. կոռուպցիա չի լինելու>>,- հայտարարեց Նաիրա Զոհրաբյանը:

Գրեք մեկնաբանություն և եղեք ակտիվ
By | 2018-09-11T19:04:47+00:00 Սեպտեմբերի 11 19:04|Քաղաքականություն|0 Comments
//
//