Եվրամիությունը և Իրանը քննարկել են միջուկային գործարքի շրջանակներում Թեհրանի շահերը

Իրանի արտգործնախարար Մոհամադ Ջավադ Զարիֆը Սինգապուրում ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ֆեդերիկա Մոգերինիի հետ քննարկել է միջուկային գործարքը և պայմանավորվածությունների շրջանակներում Թեհրանի շահերի պահպանումը: Այդ մասին հայտնում է «ՌԻԱ Նովոստի»-ն՝ վկայակոչելով Իրանի ԱԳՆ-ին: «Մոհամադ Ջավադ Զարիֆը և Ֆեդերիկա Մոգերինին Սինգապուրում քննարկել են Եվրամիության և աշխարհի կողմից ձեռնարկված և Գործողությունների համատեղ համապարփակ ծրագրում Իրանի շահ ունենալուն ուղղված քայլերը՝ համաձայնագրից ԱՄՆ-ի անօրինական դուրս գալուց հետո»,- ասված է նախարարության հաղորդագրությունում: Գերատեսչությունը նշել է, որ դիվանագետները նաև քննարկել են միջուկային գործարքի շուրջ իրադարձությունները:
Մեկնաբանություններ
Լրահոս
Loading...
End of content.
No more posts to load.