Բաժին : Լուրեր
Քիմ և Քորթնի Քարդաշյանները նշել են Հայրերի օրը՝ հրապարակելով հանգուցյալ Ռոբերտ Քարդաշյանի լուսանկարները
Ամերիկյան Keeping Up With the Kardashians իրապատում շոուի աստղեր Քիմ և Քորթնի Քարդաշյանները Հայրերի օրվա կապակցությամբ սոցցանցերում հրապարակել են հանգուցյալ հոր՝ հայտնի փաստաբան Ռոբերտ Քարդաշյանի լուսանկարները՝ ևս մեկ անգամ պատմելով, թե որքան են սիրում ու կարոտում նրան:
«Շնորհավոր աշխարհի լավագույն հայրիկի տոնը: Հայրի՛կ, ես քեզ շատ եմ կարոտում»,-գրել է 37-ամյա Քիմը՝ հրապարակելով տասնամյակների պատմություն ունեցող մի լուսանկար:
Մինչդեռ նրա ավագ քույրը՝ Քորթնին, ևս մանկության ժամանակ արված լուսանկար է հրապարակել:
Հիշեցնենք, որ Ցեղասպանությունից մազապուրծ եղած հայերի ընտանիքում ծնված Ռոբերտ Քարդաշյանը Միացյալ Նահանգներում հայտնի փաստաբան էր, որը լայն ճանաչում էր ստացել Օ. Ջեյ Սիմփսոնի դատավարությունից հետո:
1978-1991թթ. նա ամուսնացած է եղել Քրիս Ջեների հետ, այդ ամուսնությունից ծնվել են Քորթնի, Քիմ, Քլոե և Ռոբերտ Քարդաշյանները:
Նշվում է, որ փաստաբանը մահացել է 2003թ.՝ քաղցկեղից: