Բաժին : Մամուլի տեսություն
«Հրապարակ». Մանե Թանդիլյանի հրաժարականն այլ պատճառներ էլ է ունեցել. նա տարաձայնություններ է ունեցել Նիկոլ Փաշինյանի հետ
«Շատ պարզունակ կլիներ Մանե Թանդիլյանի հրաժարականը բացատրել կուտակային համակարգի նկատմամբ վերաբերմունքով: Մանավանդ՝ աշխատանքի և սոցիալական հարցերի նախարարի պաշտոնում իր նշանակման առաջին իսկ օրերից նա շատ զգուշավոր էր արտահայտվում այս համակարգի մասին: Մասնավորապես՝ մայիսի 21-ին նա իր էջում գրառում է արել, որտեղ բոլորովին էլ արմատական մոտեցում չի դրսևորել և, այսպես ասած, տեղ է թողել «նահանջի համար»:
...Մեր աղբյուրները հաղորդում են, որ Թանդիլյանն այլ տարաձայնություններ էլ է ունեցել Նիկոլ Փաշինյանի հետ: Եվ համոզվել է, որ հետագա պաշտոնավարման դեպքում այդ տարաձայնությունները խորանալու են, ուստի որոշել է հրաժարական տալ: Եվ քանի որ վստահ է եղել, որ իր կուսակցությունը՝ «Լուսավոր Հայաստանը», կուսակցության նախագահը՝ էդմոն Մարուքյանը, իր ընկերները դեմ են լինելու և փորձելու են համոզել հրաժարվել այդ մտքից, անմիջապես գրել է ֆեյսբուքում և հայտարարել հրաժարականի և կուսակցությանն անդամությունը սառեցնելու մասին:
Ուշագրավ է, որ հեղափոխությամբ ոգևորված մարդիկ, փոխանակ մեղադրեին Մանե Թանդիլյանին՝ թիմին «դավաճանելու», կես ճանապարհից հետ դառնալու մեջ, երեկ դիֆերամբներ էին ձոնում նրա հասցեին, անվանում խիզախ ու սկզբունքային մարդ, օրինակելի կերպար»,-գրում է թերթը:
Նյութն ամբողջությամբ կարդացեք թերթի այսօրվա համարում:
