Բաժին : Սպորտ/Life
«Ալաշկերտը» Հանքավանում և Մինսկում հավաքներ կանցկացնի
«Ալաշկերտը» շարունակում է մարզումները` նախապատրաստվելով Չեմպիոնների լիգայի որակավորման առաջին փուլի հանդիպումներին:
Վարուժան Սուքիասյանի գլխավորությամբ ալաշկերտցիները մարզվում են «Ալաշկերտ» մարզադաշտում և մարզասրահում,- հայտնում է ակումբի պաշտոնական կայքը:
Հավաքականից վերադարձած ֆուտբոլիստներին կարճաժամկետ հանգիստ է տրամադրվել, իսկ լեգիոներները «Ալաշկերտին» կմիանան մինչև հունիսի 14-ը:
Այդ օրը Հանքավանում կմեկնարկի մեր թիմը առաջին ուսումնամարզական հավաքը:
Հունիսի 26-ից հուլիսի 4-ը «Ալաշկերտն» հավաք կանցկացնի Մինսկում, որտեղ նախատեսված են 2-3 ստուգողական հանդիպումներ:
Շուտով վերջնականապես կհաստատվեն մրցակիցները: