Բաժին : Հայաստան/Արցախ
2017թ. Արցախի պետական բյուջեի կատարողականի վերաբերյալ հաշվետվությունների քննարկումը հանձնաժողովներում շարունակվում է
Մայիսի 21-ին տեղի է ունեցել Արցախի Հանրապետության ԱԺ գիտության, կրթության, մշակույթի, երիտասարդության և սպորտի հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստը, որը վարում էին հանձնաժողովների նախագահներ Արմեն Սարգսյանը և Ռուսլան Իսրայելյանը: Այս մասին տեղեկացնում են Արցախի Հանրապետության ԱԺ լրատվության և հանրության հետ կապերի բաժնից:
Ներկայացնելով կրթության, գիտության և սպորտի բնագավառի 2017թ. տարեկան կատարողականը՝ նախարար Նարինե Աղաբալյանը նշել է, որ հաշվետու տարում ոլորտին հատկացվել է 14 մլրդ 381,1 մլն դրամ, կատարողականը կազմել է 13 մլդ 974,3 մլն դրամ կամ 97%-ը:
