//, Հայաստան, Հասարակություն/ Սառնակունքում գետի հունն ուղղել են դեպի Որոտան ՀԷԿ. գյուղաբնակները շվարած են

Սառնակունքում գետի հունն ուղղել են դեպի Որոտան ՀԷԿ. գյուղաբնակները շվարած են

Սյունիքի մարզի Սառնակունք գյուղի բնակիչներն ահազանգում են. գյուղի միջով հոսող գետի հունը ինչ-որ անձինք փոխել են, եւ ջուրը հոսում է Որոտան ՀԷԿ-ին պատկանող ՀԷԿ-երից մեկը: Դրա հետևանքով գյուղացիները զրկվել են անասուններին խմելու ջուր մատակարարելուց, բացի այդ, մտավախություն կա, որ ոռոգման շրջանում եւս ջուր չեն ունենա:

Սառնակունք գյուղի բնակիչ Արսեն Թորոսյանը Araratnews.am-ի հետ զրույցում ասաց, որ խնդիրն առկա է շուրջ մեկ շաբաթ: «Բացել են,  ոնց որ դեպի գետ ա գնում: Ճիշտ ա, հիմա ապրանքը դուրս չի գալիս, բայց, դե, կան մարդիկ, որ տանում են: 40 տնտեսություն էր օգտվում դրանից, հիմա ջուրը հոսում ա դեպի ջրամբար, իսկ մարդիկ չգիտեն ինչ անեն: Համայնքի ղեկավարին տեղեկացրել ենք, բնակավայրի ղեկավարը տեղյակ ա, բոլորս շվարած ենք, գնացել տեսել ենք, առնվազն մի շաբաթվա գործ ա պետք, որ դա նորից ուղղվի»,- պատմեց գյուղաբնակը: Նա նշեց, որ գետը հոսում էր գյուղի միջով, հիմա հունը փոխել են: Թե ովքեր են փոխել գետի հունը, գյուղացիները տեղյակ չեն, անգամ չգիտեն, թե երբ են փոխել: «Մարդիկ շվարած մնացել են, ստիպված պետք ա անասունները ծախեն, էլ կարտոլ չցանեն, ստեղ մենակ անասնապահությամբ  ու գյուղատնտեսությամբ ենք զբաղվում, ջուրն էլ կտրել են»,- ասաց Արսեն Թորոսյանը:

Սառնակունք համայնքի ղեկավար Առուստամ Առուստամյանն Araratnews.am-ի հետ զրույցում ասաց, որ գետի հունը փոխվել եւ ուղղվել է ՀԷԿ-ի համար, սակայն իրավիճակը շտկվել է, եւ գյուղաբնակները ոռոգման շրջանում խնդիրներ չեն ունենա: «Հիմա հունը փոխվել է, եւ էլի իրա հունով գնում է»,- ասաց Առուստամյանը:

Իսկ թե ո՞ւմ է պատկանում ՀԷԿ-ը, գյուղապետն ասաց, թե տեղյակ չէ:

Գրեք մեկնաբանություն և եղեք ակտիվ
By | 2017-11-18T12:37:08+00:00 Նոյեմբերի 18 12:37|Կարևոր, Հայաստան, Հասարակություն|Մեկնաբանությունները կասեցված են Սառնակունքում գետի հունն ուղղել են դեպի Որոտան ՀԷԿ. գյուղաբնակները շվարած են-ում
//
//