Ինչո՞վ է uպառնnւմ D վիտամինի պակասը. բժիշկ Մարկ Հայման

Խորհուրդներ օրգանիզմում D վիտամինի մակարդակը կարգավորելու համար։

Բժիշկ Մարկ Հայմանն ընտանեկան թերապևտ է, առողջությանը գիտականորեն հիմնավորված նատուրոպատիկական մոտեցման հեղինակն ու տարածողը, ֆունկցիոնալ բժշկության սկզբունքների տարածման գաղափարախոսը։

Ո՞ր վիտամինն է մեզ անհրաժեշտ ցուցումից մինչև 25 անգամ ավելի քանակությամբ։

Ո՞ր վիտամինի պակասը գրեթե երբեք չի ախտորոշվում, պարբերաբար կապվում է տարատեսակ օնկոլոգիական հիվանդությունների, բարձր ճնշման, սրտի հիվանդությունների, շաքարախտի, դեպրեսիայի, ֆիբրոմիալգիայի, քրոնիկ մկանային ցավերի, ոսկորների ամրության կորստի, աուտոիմունային հիվանդությունների, այն է՝ ցրված սկլերոզի հետ։

Ո՞ր վիտամինն է գրեթե ամբողջովին բացակայում մեր ամենօրյա սննդի մեջ։

Առանց ո՞ր վիտամինի են շուրջբոլորն այդքան շատ տառապանքներ կրում, բայց որոնցից հեշտորեն կարելի է խուսափել։

Այս բոլորի մեղավորը D վիտամինն է։ Այն հսկայական ազդեցություն է գործում առողջության ու բջիջների և գեների մակարդակում օրգանիզմի կենսագործունեության վրա։ Այն ճնշում է քաղցկեղը ու նպաստում այն բանին, որ բջիջները քաղցկեղային չդառնան։

Երբ մենք բավարար քանակությամբ D վիտամին չենք ստանում, դրա պակասն ազդում է մեր ամբողջ օրգանիզմի վրա։

Հետազոտություններից մեկը պարզել է, որ մեր սննդակարգում D վիտամինի ընդգրկումը կարող է նվազեցնել 1-ին տիպի շաքարախտի զարգացման ռիսկն 80%-ով։

Մեր օրգանիզմը D վիտամին սինթեզում է արևի լույսից։

Ըստ էության՝ D վիտամինի մեր պահանջը գրեթե ամբողջությամբ բավարարվում է՝ արևի տակ գտնվելով։

Խնդիրն այն է, որ մենք եթե գտնվում էլ ենք արևի տակ, օգտվում ենք արևապաշտպան քսուքներից, և թեպետ դրանք օգնում են կանխել մաշկի քաղցկեղը, նաև արգելափակում են D վիտամինի արտադրությունն օրգանիզմում 97%-ով։

Մնում է հասկանալ, թե որքան D վիտամին է պետք հենց ձեզ։

Դա կախված է ձեր տարիքից, աշխարհագրությունից, արևի տակ գտնվելու ժամանակից և անգամ՝ տարվա եղանակից։

Ինչպես արդեն նշեցինք, D վիտամինն օգնում է կանխել շատ հիվանդություններ կամ թեթևացնել դրանց ընթացքն ու խոչընդոտել զարգացմանը։ Դրանց թվին է պատկանում նաև օստեոպարոզը։ Ըստ էության՝ D վիտամինի դերն այստեղ ավելի կարևոր է, քանի որ այն անհրաժեշտ է կալցիումը յուրացնելու համար։

Պետք է ընտրել D վիտամինի ճիշտ տիպ։ Միակ ակտիվ ձևը D3-ն է կամ խոլեկալցիֆերոլը։

Ընտրեք ճիշտ դոզավորում։ Եթե դուք D վիտամինի պակաս ունեք, սկսեք D3 վիտամինի 5000-10000 միավորից ու ընդունեք այն 3 ամիս, սակայն՝ միայն բժշկի հսկողության ներքո։ Եթե մարդն ապրում է հյուսիսում, ընդհանրապես տնից դուրս չի գալիս կամ մուգ գույնի մաշկ ունի, դոզավորումն ավելի բարձր պետք է լինի։

Եթե 10000 միավոր D վիտամին եք ընդունում, ձեր բժիշկը յուրաքանչյուր 3 ամիսը մեկ պետք է ստուգի ձեր օրգանիզմում կալցիումի, ֆոսֆորի, պարաթիրեոիդային հորմոնի մակարդակը։

Եթե D վիտամինի պակաս է եղել, պահուստները լրացնելու համար պահանջվում է 6-10 ամիս։ Օպտիմալ մակարդակի հասնելուց հետո կարելի է դոզավորումն իջեցնել՝ մինչև օրական 2000-4000 միավոր։

D վիտամինի հսկայական քանակությամբ ռեցեպտորներ կան ուղեղում և կենտրոնական նյարդային համակարգում։ Այդ պատճառով էլ D վիտամինի նորմալ մակարդակը նկատելիորեն ազդում է տրամադրության և նյարդային համակարգի վրա։

D վիտամինի յուրացման հետ կապված՝ կա նաև 2 լրացուցիչ պահ՝

Պետք է ընտրել D վիտամինի կաթիլային կամ այլ բնական տարբերակ, որը լրացված է K2 վիտամինով։ Սա սկզբունքային հարց է։
Անհրաժեշտ է նաև D վիտամինին զուգահեռ՝ ունենալ բետա-կարոտինի լավ աղբյուր։ Լավագույն լուծումը սոված փորին մեկ ճաշի գդալ առաջին զտման դդումի որակյալ յուղի օրական գործածությունն է։
Այն բարերար ազդեցություն է գործում աղիների լորձաթաղանթի վրա։
Ինչպես են համագործակցում D և K վիտամինները։

D վիտամինի անվիճելի կողմերից մեկն այն է, որ այն օգնում է ամրացնել ոսկորները՝ օգնելով յուրացնել կալցիումը։

Բայց այժմ ի հայտ են եկել տվյալներ, որ հենց K2 վիտամինն է կալցիումն ուղղում դեպի կմախք՝ թույլ չտալով, որ այն մնա օրգանների հյուսվածքների, հոդերի, անոթների մեջ, ինչը կանխում է աթերոսկլերոզը։

Կարելի է ասել, որ D վիտամինը հանդես է գալիս՝ որպես պահակ, ով ստուգում է՝ ում ներս թողնել, իսկ K վիտամինը լարված երթևեկությունը կարգավորողն է։

Տվյալներ կան, որ D վիտամինն անվտանգ է օգտագործել հենց K վիտամինի հետ։

D վիտամինի պակասն ու քնի խանգարումը։

D վիտամինի պակասն առաջ է բերում քնի խանգարում՝ անքնություն, գիշերային ապնոէ, առանց պատճառի արթնացումներ, ավելորդ անհանգիստ քուն։ Այս բոլոր խանգարումները թույլ չեն տալիս, որ օրգանիզմը գիշերը վերականգնվի։ Լավ քնի դեպքում լավանում է գլխացավի, ցնցումների, մեջքի ցավի, հավասարակշռության պահպանման դժվարության հետ կապված իրավիճակները, թեթևանում են դեպրեսիվ վիճակներն ու հիշողության հետ կապված խնդիրները։

Միևնույն ժամանակ կարևոր է հասկանալ, որ D վիտամինը ցերեկային վիտամին է, արևային, և այդ պատճառով էլ այն պետք է առավոտյան ընդունել։ Այս վիտամինը կարող է ժամանակավորապես արգելափակել մելատոնինի արտադրությունը, ինչը օրվա սկզբում լիովին նրան թույլատրված է, սակայն քունը կարգավորելիս սա պետք է հաշվի առնել։

D վիտամինի պակասը կարող է կուտակվել լիովին աննկատ, բայց կան նաև նշաններ, որոնց առկայության դեպքում իմաստ կա մտածել հենց այդ ուղղությամբ կամ պարզապես անալիզ հանձնել մոտակա լաբորատորիայում։ Այդ նշաններն են՝

մկանային ցավեր ու հոդացավեր

անհանգիստ քուն կամ անքնություն

վատ տրամադրություն կամ դեպրեսիա

հոգնածության բարձր մակարդակ և նյարդային վիճակ։

Երբ խոսքը գնում է ստեղծված դեֆիցիտը վերականգնելուն, առաջարկվող սխեման ներառում է 1000 միավոր D վիտամին՝ քաշի յուրաքանչյուր 5կգ-ի հաշվարկով, սակայն ոչ ավելի, քան օրական 10 000 միավոր և, բնականաբար, անալիզների մոնիտորինգ, ցանկալի է՝ բժշկի հետ։