ԱՆԻՖ-ում մսխված գումարը բավարար էր քաղաքային տրանսպորտի հարցը լուծելու համար. Քոչարյան

Քաղաքային տրանսպորտը բիզնես չէ։ Այսօր երկրում պաշտոնական թվերով՝ 25 տոկոսն աղքատ են համարվում։ Հիմա այդ աղքատների եկամուտները պետք է գնահատես, հաշվարկես՝ քաղաքային տրանսպորտի որ գինն է մատչելի այդ մարդկանց համար, ոչ թե՝ ինչքան թիվ պետք է գրեմ, որ լավ ծառայություն լինի։ Այս մասին մամաուլի ասուլիսի ընթացքում ասաց Ռոբերտ Քոչարյանը։

«Եթե այդ 25 տոկոսի համար մատչելի գինը 50 դրամ է, ապա թող լինի 50 դրամ, եթե 100 դրամ է, թող լինի 100 դրամ։ Մյուս մասը պետք է սուբսիդավորես։ Եթե քաղաքային տրանսպորտը լավ է աշխատում, ապա քաղաքում բոլոր բիզնեսներն են սկսում լավ աշխատել, գումարն այլ տեղից ես ստանում»,- նշեց նա:

Քոչարյանն ասել է, որ այս կառավարությունը պետական պարտքն ավելացրել է 7 մլրդ դոլարով, իսկ այն թիվը, որը հնչեցնում է քաղաքապետը՝ մոտավորապես առավելագույնը 40-50 մլն դոլար՝ տրանսպորտի համար։

«50 մլն դոլարը՝ 1 մլրդի մեջ քանի՞ տոկոսն է՝ 5 տոկոսը։ Հիմա ձեր հավաքած պարքերի 5 տոկոսը դրեք՝ բարելավեք տրանսպորտի վիճակը, ոչ թե՝ մտցրեք բյուջ՝ պարգևավճարների վրա ծախսեք կամ մսխեք ԱՆԻՖ հիմնադրամով։ ԱՆԻՖ-ի մսխված գումարը բավարար էր քաղաքային տրանսպորտի հարցը լուծելու համար»,- նշեց նա։