Բաքուն Sputnik Ադրբեջանի աշխատակիցների թիվը կկրճատի մինչև 1. աղբյուր
Ադրբեջանում ռուսական Sputnik գործակալության ադրբեջանական ծառայության և BBC News Azərbaycanca-ի աշխատանքը որոշակի ճշգրտումների կենթարկվի, հինգշաբթի Trend-ին հայտնել է իրազեկ աղբյուրը։
Ըստ զրուցակցի՝ Sputnik Ադրբեջանի աշխատակիցների թիվը Բաքվում կհավասարվի Ռուսաստանում «Ազեռթաջ» պետական գործակալության լրագրողների թվին, այսինքն՝ կկրճատվի մինչև 1 թղթակից:
Որոշման նպատակն է արտերկրում ադրբեջանական պետական խմբագրությունների, իսկ Ադրբեջանում օտարերկրյա լրագրողների գործունեության պայմաններում հավասարակշռության վերականգնումը։ Նույն հավասարազոր մոտեցումը կկիրառվի BBC Azərbaycanca-ի նկատմամբ, հավելել է աղբյուրը։
Հիշեցնենք, որ օրերս Ադրբեջանի իշխանությունների պահանջով Բաքվում իր գործունեությունն էր դադարեցրել «Ռուսական տունը»։
