Իսրայելը հարվածել է Իրանում ուրանի հարստացման համար ցենտրիֆուգներ արտադրող գործարանին
Իսրայելի պաշտպանության ուժերը հայտարարել են, որ իրենց ավելի քան 50 կործանիչներ հարվածել են Թեհրանում գտնվող թիրախներին, այդ թվում՝ ուրանի հարստացման համար ցենտրիֆուգներ արտադրող գործարանին։
Բացի այդ, իսրայելական բանակը հարձակվել է մի քանի զենքի արտադրության օբյեկտների վրա, այդ թվում՝ մի օբյեկտի վրա, որը հումք է արտադրում «երկիր-երկիր» և «երկիր-օդ» դասի հրթիռների հավաքման համար: Իրանը դեռևս չի մեկնաբանել հարձակումները:
Հունիսի 13-ին Իսրայելը սկսեց «Առյուծի վերելք» գործողությունը։ Դրա հայտարարված նպատակն է ոչնչացնել Իրանի միջուկային ծրագիրը։ Իրանի իշխանությունների տվյալներով՝ հանրապետությունում ավիահարվածների հետևանքով զոհվել է առնվազն 220 մարդ։ Երեկ Իսրայելի պաշտպանության բանակը հարվածել է Իրանի հրթիռային կայանքներին։
