Արցախը հանձնեն թշնшմnւն, հայտարարեն Հայաստանի չմիջամտելու մասին և լկտիաբար մեղադրեն չկռվելու մեջ․ Արտակ Բեգլարյան
Արցախը հանձնեն թշնամուն, հայտարարեն Հայաստանի չմիջամտելու մասին և լկտիաբար մեղադրեն չկռվելու մեջ։ Այս մասին գրել է Արցախի նախկին պետնախարար Արտակ Բեգլարյանը․
«ՀՀ ԱԺ նախագահը» հերթական անգամ թքեց՝ կրկին բոլորիս երեսին:
Եվ նա ու իր նմանները միշտ էլ կթքեն ու կհպարտանան իրենց այդ «հերոսական» կարողությամբ, քանի դեռ պատասխան չեն տվել իրենց բարոյական ու իրավական սխալների ու հանցանքների համար:
Ցինիզմի ինչ մակարդակ պիտի ունենան իշխանությունները, որ, մի կողմից, Արցախը հանձնեն թշնամուն և հայտարարեն Հայաստանի չմիջամտելու մասին, իսկ, մյուս կողմից, կռված, հյուծված ու բառացիորեն միայնակ մնացած ժողովրդին լկտիաբար մեղադրեն չկռվելու մեջ: Փաստորեն, պետք է անիմաստ կերպով կռվեինք մինչև վերջին մարդը, որ Մայր Հայաստանում հիմա մեր իրավունքների համար չպայքարեինք և միգուցե մեր հիշատակի առջև «գլուխ խոնարհեին»։
