Բժիշկը զգուշացրել է թերեփված մսում թաքնված վտանգի մասին

Սալմոնելլա բակտերիաները, որոնք առաջացնում են սալմոնելոզ, հեշտությամբ հանդուրժում են ցրտերը և չեն վախենում երկարատև սառցակալումից, Aif.ru-ին ասել է թերապևտ Նադեժդա Չերնիշովան՝ նշելով, որ 100 աստիճան և բարձր ջերմաստիճանն է դրանց համար մահացու։

Սալմոնելլան կենսունակ է մնում սառեցված թռչնամսում 1 տարի, տնային փոշու մեջ՝ մինչև 4 ամիս, ջրի մեջ՝ մինչև 6 ամիս: Դրանք չեն կարողանում դիմակայել բարձր ջերմաստիճանին՝ ակնթարթորեն մահանալով 100 աստիճանի դեպքում, ուստի սննդամթերքի ջերմային մշակումը սալմոնելլայի դեմ պայքարի և սալմոնելոզի կանխարգելման հիմնական միջոցն է, պարզաբանել է փորձագետը։

Բժիշկն ընդգծել է, որ ռեստորանում կամ սննդի այլ հաստատությունում մսային ուտեստներ պատվիրելիս պետք է ուշադրություն դարձնել դրա որակին։ Ինչքան շատ եփվի միսը, այնքան քիչ հավանական է, որ բակտերիաները կմնան ներսում։