Անասնաբույժը զգուշացրել է, որ կատուներն ու շները կարող են նոր թռչնագրիպով վարակվել
Անասնաբույժ Անտոն Ալեքսանդրովը նախազգուշացրել է կատուների և շների համար նոր H5N1 գրիպի մահացու վտանգի մասին։ Հիվանդությունը վտանգավոր է ընտանի կենդանիների համար, ուստի ավելի լավ է նրանց չկերակրել հում մսով, գրել է transsibinfo.com-ը։
«Կատուներն ու շները նույնպես կարող են վարակվել թռչնագրիպով, եթե շփվեն վիրուսով վարակված հիվանդ կամ սատկած թռչունների հետ։ Թեև քիչ հավանական է, որ դուք թռչնագրիպով վարակվեք վարակված ընտանի կենդանու հետ շփման արդյունքում, բայց հնարավոր է: Եթե ձեր ընտանի կենդանու մոտ թռչնագրիպի նշաններ են հայտնվում, պետք է վերահսկեք ձեր առողջությունը»,- խորհուրդ է տվել անասնաբույժը։
Հիվանդ ընտանի կենդանին կարող է կորցնել ախորժակը, դող, ցնցումներ, արագ շնչառություն, հազ ունենալ, արտահոսք ունենալ աչքերից կամ քթից: Եթե նման ախտանիշներ հայտնվեն, պետք է ցույց տալ շանը կամ կատվին անասնաբույժին, ինչպես նաև սահմանափակել կենդանու շփումը թույլ իմունային համակարգ ունեցող մարդկանց հետ:
Գրիպի վիրուսներն ամենից հաճախ ապրում են թռչունների մարմնում, սակայն որոշ շտամներ հատկապես վտանգավոր են մարդկանց համար: Որոշ վիրուսներ ավելի քիչ վարակիչ են, և բարձր մահացու շտամները կարող են ավելի մեծ վտանգ ներկայացնել ինչպես կենդանիների, այնպես էլ մարդկանց համար:
