Ուֆայից գաստրոէնտերոլոգը նշել է սուրճ խմելու հիմնական հակացուցումները. Այս մասին գրում է UfaTime.ru-ն։
Մասնագետը զգուշացրել է, որ այս ըմպելիքը որոշ դեպքերում բացասաբար է ազդում օրգանիզմի վրա։
Բժշկի խոսքով՝ սուրճը պետք է զգույշ խմել, հատկապես, եթե դուք ունեք արյան բարձր ճնշում։
Գաստրոէնտերոլոգը ըմպելիքը խորհուրդ չի տվել անքնության դեպքում՝ նշելով, որ կոֆեինն օրգանիզմում մնում է օգտագործելուց հետո մինչև վեց ժամ։
Բժիշկը նաև առաջարկել է, որ սուրճից ավելացած անհանգստություն և նյարդայնություն ունեցողներին պետք է հրաժարվել սուրճից:
Բժիշկը հավելել է, որ սուրճը բարձրացնում է ստամոքսահյութի թթվայնությունը, ուստի այն հակացուցված է քրոնիկ գաստրիտի, ստամոքսի և տասներկումատնյա աղիքի խոցի սրման դեպքում։
Ավելի վաղ սննդաբանը հայտարարել էր, որ գիշերային ժամերին մեծ քանակությամբ շաքարավազը, արագ սնունդը և սուրճը կարող են դեպրեսիա առաջացնել։