ԱԺ հերթական նստաշրջանը սկսվեց երգչախմբի կողմից ՀՀ օրհներգի կատարմամբ և Մհեր Սահակյանի հիշատակը մեկ րոպե լռությամբ հարգելով
ԱԺ-ում սկսվեց 8-րդ գումարման 9-րդ նստաշրջանը:
Նստաշրջանը սկսվեց երգչախմբի կողմից ՀՀ օրհներգի կատարմամբ: Երգչախումբը կատարեց ՀՀ օրհներգի՝ նոր փոփոխված տարբերակը:
Հիշեցնենք, որ փոփոխության առաջարկի հեղինակներից է ԱԺ նախագահ Ալեն Սիմոնյանը:
Երգչախումբը տեղավորվել էր դահլիճի այն հատվածում, որտեղ սովորաբար նստում են Փաշինյանն ու կառավարության անդամները:
Այնուհետև Ալեն Սիմոնյանն առաջարկեց մեկ րոպե լռությամբ հարգել վթարից զոհված պատգամավոր Մհեր Սահակյանի հիշատակը:
«Տարին սկսվեց վատ լուրով, մեր գործընկեր Մհեր Սահակյանի հետ ավտովթար տեղի ունեցավ, առաջարկում եմ մեկ րոպե լռությամբ հարգել մեր գործընկերոջ հիշատակը»,- ասաց նա:
