Ոմանք ոռնում են Հայաստանի տնտեսական հաջողություններից, շունը հաչում է, քարավանը՝ գնում․ Գևորգ Պապոյան
Մինչ ոմանք ոռնում են Հայաստանի տնտեսական հաջողություններից, հերթական խոշորագույն ներդրումային ծրագիրը շուտով կմեկնարկի։ Այս մասին իր ֆեյսբուքյան էջում գրել է էկոնոմիկայի նախարար Գևորգ Պապոյանը։
«Շունը հաչում է, քարավանը՝ գնում»,- գրել է Պապոյանը՝ կիսվելով ԱՄՆ դեսպանատան հրապարակումը, որտեղ գերատեսչությունը ողջունել էր Ամուլսարում հանքարդյունաբերությունը վերսկսելու որոշումը։
«Հրաշալի լուր։ ԱՄՆ դեսպանատունը ողջունում է Lydian-ի և Հայաստանի միջև կնքված համաձայնությունը Հայաստանում վերսկսելու Ամուլսարի հանքարդյունաբերության լայնածավալ ծրագիրը՝ միլիոնավոր ԱՄՆ դոլարի ներդրումով տնտեսության մեջ, որը կստեղծի աշխատատեղեր և բարգավաճում Միացյալ Նահանգների և Հայաստանի համար։ Հայաստանը բաց է ԱՄՆ-ի բիզնեսների համար, և ԱՄՆ դեսպանատունը հպարտ է աջակցելու համար, երբ մենք միասին աշխատում ենք դեպի ավելի բարեկեցիկ ապագա»,- ասված էր դեսպանատան ֆեյսբուքյան գրառման մեջ:
